ປະທານາທິບໍດີຣັດເຊຍ ຮຽກຮ້ອງ ໃຫ້ມີເຂດປອດທະຫານຢູ່ໃນອູແກຣນ
ທ່ານ ປູຕິນ ປະທານາທິບໍດີຣັດເຊຍ
ສຳນັກຂ່າວຈາກ RIA ຣັດເຊຍ ໃຫ້ຮູ້ວ່າ: ທ່ານ ປູຕິນ ປະທານາທິບໍດີຣັດເຊຍ ກ່າວວ່າ: ຣັດເຊຍ ຮຽກຮ້ອງໃຫ້ ອູແກຣນ ສ້າງເຂດ
ປອດອາວຸດ ແລະ ທະຫານຈາກຝ່າຍຕາເວັນຕົກ ເພື່ອຮັບ ປະກັນຄວາມປອດໄພໃຫ້ແກ່ປະຊາຊົນ.
ພ້ອມນັ້ນ, ເຈົ້າໜ້າທີ່ທຳນຽບ ເຄຣມລິນ ຍັງກ່າວເນັ້ນໜັກຕື່ມວ່າ: ກອງທັບຣັດເຊຍ ສົ່ງເສີມເຂດປອດໄພໃຫ້ແກ່ກຳລັງ ອູແກຣນ
ແລະ ສະກັດກັ້ນການບຸກໂຈມຕີບັນດາເມືອງສຳຄັນ ເຊິ່ງສິ່ງເຫຼົ່ານີ້ແມ່ນຈຸດປະສົງທີ່ດີຂອງກອງທັບ ຣັດເຊຍ ພວມດຳເນີນຢູ່. ຖະແຫຼງ
ການຂອງປະທານາທິບໍດີປູຕິນ ມີຂຶ້ນພາຍຫຼັງເຈົ້າໜ້າທີ່ສະຫະລັດ 2 ທ່ານທີ່ບໍ່ປະສົງອອກຊື່ກ່າວວ່າ: ກອງທັບ ສະຫະລັດອາເມຣິກາ ໄດ້
ປະສົບຜົນສຳເລັດ ໃນການທົດລອງລະເບີດຂະໜາດນ້ອຍ (GLSDB) ທີ່ຈະສົ່ງໄປໃຫ້ ກີແອັບ ໃນໄວໆນີ້. GLSDB ມີໄລຍະຍິງ 150
ກິໂລແມັດ, ເປັນການປະສົມປະສານຂອງລູກລະເບີດ M26 ແລະ ລະເບີດນຳທິດຂະຫນາດນ້ອຍ GBU-39, ເຊິ່ງສາມາດຍິງໄດ້ຈາກ
ລະບົບຍິງລູກສອນໄຟ HIMARS ແລະ ປືນໃຫຍ່ M270 ໃນອູແກຣນທີ່ມີໃນປັດຈຸບັນ, ເຊິ່ງ ອູແກຣນ ຈະເປັນປະເທດທຳອິດ ທີ່ໃຊ້
GLSDB ໃນສະໜາມຮົບ, ພ້ອມນີ້ ອູແກຣນ ຍັງໄດ້ຮັບລູກສອນໄຟໄລຍະໄກຫຼາຍພັນລູກຈາກປະເທດຕາເວັນຕົກເຊັ່ນ: ATACMS
ແລະ Storm Shadow/SCALP-EG ທີ່ມີໄລຍະ 165-250 ກິໂລແມັດ.
ກະຊວງປ້ອງກັນປະເທດ ຣັດເຊຍ ໄດ້ກ່າວຫຼາຍຄັ້ງວ່າ: ການຊ່ວຍເຫຼືອຈາກຕ່າງປະເທດທີ່ມີຕໍ່ ອູແກຣນ ນັ້ນແມ່ນເພື່ອແນໃສ່ໂຈມ
ຕີເມືອງຕ່າງໆຂອງຣັດເຊຍ. ດັ່ງເຫດການຫຼ້າສຸດ, ໄດ້ເກີດຂຶ້ນໃນວັນທີ 30 ທັນວາ 2023, ທີ່ອູແກຣນ ໂຈມຕີເມືອງ ເບວໂກຣອດ ດ້ວຍ
ລູກສອນໄຟ Vampire ທີ່ຜະລິດໂດຍສາທາລະນະລັດເຊັກ ແລະ ລູກສອນໄຟ Vilkha, ເຮັດໃຫ້ 25 ຄົນເສຍຊີວິດ ແລະ 109 ຄົນໄດ້
ຮັບບາດເຈັບ. ຢ່າງໃດກໍຕາມ, ວໍຊິງຕັນ ກຳລັງຈະສົ່ງ GLSDB ແລະ ລູກສອນໄຟນຳທິດທີ່ມີໄລຍະຍິງໄກປະມານ 150 ກິໂລແມັດ ໄປ
ໃຫ້ ອູແກຣນ ອາດເກີດຜົນກະທົບຕໍ່ຊິວິດ ແລະ ຊັບສິນຂອງພົນລະເມືອງຊາວອູແກຣນຢ່າງຫຼີກລ່ຽງບໍ່ໄດ້.
ແຫຼ່ງທີ່ມາ: ໜັງສືພິມກອງທັບ
ວັນທີ 05/02/2024